Ye incident uss waqt ka hai jab Mai college jata tha aur maine mera pehla mobile khud apne paiso se liya tha. Pehle se hi mujhe crossdressing ka shauk tha. Isliye mai apne mobile me crossdresser aur heroines ke photos rakhta tha. (Jyadatar saree pehenne wali..!)

Uss din shayad sunday tha kyuki mujhe yaad hai ki ye kissa subah huaa tha. Didi ghar par thi aur maa bahar angan me kuch kaam kar rahi thi. Hum dono ghar ke bahar wale sofe par baithe the. Naya mobile lene ki khushi me didi mujhse Mera phone dikhane ke liye kehne lagi. Par mai thoda darr gaya tha. Kyuki usme maine crossdresser ke photos rakhe the.

Didi baar baar mujhse phone mang rahi thi aur mai bahana bana raha tha ki mai kuch kar raha hu. Par actual me gharbrahat ke mare maine crossdresser wala jo folder banaya tha usse pura ka pura delete kar diya. Pata nahi maine uss waqt kaise wo folder delete kar diya. Kyuki bahot dino se maine jama kiye the unn photos ko. Aur mujhe unse lagav ho gaya tha. Par ghabraht ke mare bina kuch soche wo delete kar diya. Mujhe uss waqt didi par bahot gussa aa raha tha. Par maine dikhaya nahi.
Maine phone lakar didi ke hath me de diya. Didi bade utsah se mera mobile dekhne lagi. Aur mai bechara uske pass baitha yahi socha raha tha ki kash maine wo sab data apne computer me store kar liya hota.
Mobile dekhte dekhte didi ne camera open kar liya aur angaan ki aur face kar kuch photos click ki. Unn photos ko dekhne ke liye jab didine gallary open ki toh waha applock laga huaa tha. Jisse dekh didi.kehne lagi…
” Aisa kya chupakar rakha hai bilu ( didi mujhe pyar se bilu pukarti hai) jo sab app ko lock lagakar rakha hai..? Kuch aisa waisa toh nahi hai na..? ( didi ko shayad lag raha tha ki maine apne phone me porn rakha hai. ) ”
” Kuch nahi didi..safty ke liye dala hai. College me dost mera mobile lekar kuch na kuch karte hai isliye unse safe rakhne ke liye maine lock dala tha.”
Mera reason vishwas karne layak tha. Isliye didi ne mujhe aur kuch nahi pucha. Side me maa hum dono ki batein sun rahi thi. Par unka kuch reaction nahi tha. Wo toh kuch kaam karne me busy thi.
Gallary me abhi khiche photos dekhne ke baad didi meri private photos dekhne lagi.. Jisme maine actress ke photos rakhe the. Didi bade dhyan se unhe dekh rahi thi. Shayad unhe unn actress ke dress acche lag rahe the. Kuch photos dekhne ke baad didi ke samneye ek photo aa gaya..

Jisse dekh didi kehne lagi….

” Bilu, saree bahot acchi hai na..? ”
Mai didi ke pass hi baitha tha. Mai thoda mudkar dekhne laga..
” Haa didi, bahot sundar hai…! ”
Didi kuch der uss photo ko dekhti reh gayi aur haste huye kehne lagi…
” Bilu.. Ye actress bilkul tumhari tarah lag rahi hai na..? Aagar tumne ye saree pehni hoti toh tum bhi aisehi dikhte..!! ”
Didi ki baat sunkar toh mera chehra sharam se lal hone ko aaya tha. Maine gusse me kaha…
” Kya paglo jaisi baat kar rahi ho didi..? ”
Meri narajgi dekhkar didi muskuraate huye kehne lagi..
” Tum dekho toh sahi Bilu.. Tum bilkul iske jaise dikhte ho. ”
Mai sharam ke mare aur kuch bol hi nahi paya..
Didi uthkar maa ke pass chali gayi aur unhe dikhane lagi..
” Hai na maa, Bilu aur ye same to same nahi lag rahe hai kya..? ”
Waha maa bhi badi excite hokar uss actress ko dekhne lagi aur muskurate huye meri taraff dekh kar boli…
” Haa Bilu, same to same lag rahe ho tum dono… Aagr tumhe saree pehna do toh bilkul iski tarah dikhoge..! ”
” Kya maa aap bhi…? Kyu majak uda rahi ho..? Wo ladki hai aur mai ladka..! “

” Majak nahi kar rahi Bilu, sach keh rahi hu.. ”
Mai andar se sharm ke mare pani pani ho raha tha, par bahar se mai aise dikha raha tha ki mai unn dono ki bato ko ignore kar raha hu…
” Aagr vishwas nahi hota toh mai abhi tumhe meri saree pehnakar dikha sakti hu..” ( didi haste huye kehne lagi..
Mujhe nahi pata ki wo majak kar rahi thi ya fir usne sach me aisa kaha tha. Par mujhe uske haste chehre se laga ki wo mera majak uda rahi hai.
Maine naraj hokar kaha…
” Tum hi pehno apni sareeya…mujhe mat pehnao..!! “

** Uss pal ko yaad karke mai aaj bhi afsos karta hu ki kash uss din maine majak majak me maan liya hota saree pehenne ke liye. ***

khair…Maa mera gussa dekhkar kehne lagi….
” Bachpan me toh didi ke frock bade pyar se pehen leta tha tu..? Tab nahi aata tha gussa..?”
Mujhe malum tha ki maa kis bare me baat kar rahi hai. Mujhe yaad hai ki maa kabhi kabhi barsaat me mere kapde sukhe naa hone ke karan mujhe didi ka frock pehna deti thi. Aur mai uss waqt usse bade pyar se pehenta tha. Yahi toh khass baat thi bachpan ki, nahi kisi ki sharam aur nahi iski chinta ki koi kya kahega…!!
Maine maa se kaha..
” Uss waqt mai baccha tha maa, nahi toh mai kabhi nahi pehenta..!! “Isi ke sath uss din ka mera ye kissa khatm ho gaya.

Mai aaj bhi uss din ke bare me sochkar pachtata hu. Ki kash maine himmat dikha di hoti…!! ki kash mai apne andar ki sharam ko marakar saree pehnane ke liye maan gaya hota.. Kash…….

The end.